Prishtinë, 5 prill - Sot më 5 Prill, përfaqësuesit e Ministrisë së Mjedisit dhe Planifikimit Hapësinor, Komisioni i Pavarur për Miniera dhe Minerala, dhe OJQ “Zhavori” nënshkruan marrëveshje rreth zbatimit të vendimit Qeveritar 02/46 të datës 2 Nëntor lidhur me OJQ “Zhavori”.

Më nënshkrimin e kësaj marrëveshjeje, OJQ “Zhavori”, si përfaqësuese legjitime e operatorëve të eksploatimit të rërës dhe zhavorit, pajtohet  me të gjitha kushtet e parashtruara nga MMPH dhe KPMM,  ku pranon obligimet për zbatimin e plotë të vendimit të Qeverisë.