Me Trepçën do të udhëheqin institucionet e Republikës së Kosovës
Qeveria poashtu dje e ka proceduar në Kuvend Projektligjin për Plotësimin dhe Ndryshimin e Ligjit për Ndërmarrjet Publike, me të cilin parashihet që për “Trepçën” të hartohet Strategji Zhvillimore dhe të nxirret Ligj i veçantë.
Në një deklaratë për media Qeveria e Kosovës ka theksuar edhe njëherë se “Trepça” është pasuri e Kosovës, është organizatë në territorin e Republikës së Kosovës, prandaj me këtë kombinat do të udhëheqin institucionet e Republikës së Kosovës, të parapara me Ligj, në interes të punonjësve të “Trepçës” dhe të ekonomisë së Kosovës.
Çdo tentativë për të mbjell huti se është heqë dorë nga “Trepça”, sipas qeverise është e pavërtetë dhe qëllimkeqe.
