Frankfurt, 31 mars - Sipas raporteve më të fundit, McLaren ka pranuar se është duke punuar në superveturën më të re të quajtur P15.

I planifikuar për të dalë në treg në fund të vitit 2017, P15 do të ketë një motor mjaft të fuqishëm dhe një kabinë të punuar nga fibër karboni, në të cilin do të vendosen edhe dy karrige sportive.

Sipas revistës “Car & Driver”, motori do të vjen në versionin hibrid i cili do të jetë i inspiruar nga modeli më i fundit i Honda hibrid. Dhe nëse gjithçka shkon sipas planit, P15 do të jetë një veturë normale dhe jo e kufizuar në prodhim sikurse paraardhësi i tij modeli P1.

Kjo do të thotë se ne mund të presim një veturë sportive më të lirë, çmimi fillestar i së cilës do të sillet afro 360 mijë dollarë.