Harbin, 3 janar - Pesë persona mes të cilëve tre zjarrfikës, kanë gjetur vdekjen pas rrëzimit të një ndërtese në Kinë.

Ngjarja ndodhi mbrëmjen e së premtes në Harbin, në provincën Heilongjiang. Të paktën katërmbëdhjetë persona mbetën të plagosur.

Zjarrfikësit kishin ndërhyrë për të shuar zjarrin në katin e dytë të një ndërtese, brenda një marketi me qeramika, kur tavani u shemb papritur. Ende nuk dihet shkaku i zjarrit, ndërsa policia po heton për të zbardhur ngjarjen.