Seul, 28 qershor - Fabrika për automobila „KIA“ në afërsi të qytetit sllovak Zhilina, fillon prodhimtarin serike të versionit modern të modelit „sporteixh“ dhe deri në fund të vitit planifikon të prodhojë rreth 35.000 lloje të këtyre automjeteve transportuese.

Ky model duhet të mundësojë rritje të produksionit në fabrikën sllovake të „KIA“-s që vitin e kaluar ishte kapluar nga kriza dhe sivjet fabrika të prodhojë 200 mijë automjete, apo 50.000 më shumë sesa vitin e kaluar.

Modeli i ri i „KIA“-s do të eksportohet në tërë Evropën, ndërsa tregjet kryesore do të jenë Rusia, Britania, Polonia, Gjermania dhe Italia.