Teheran, 16 shtator - Agjencia e lajmeve ISNA njoftoi se Irani vazhdon të jetë prodhuesi i dytë më i madh i naftës në OPEK.

Kjo agjenci duke cituar përfaqësuesin e Iranit në OPEK, bëri të ditur se sipas statistikave të fundit Irani vazhdon të mbajë pozitën e dytë në prodhimin e naftës në organizatën botërore të prodhuesve të naftës, OPEK.

Muhamed Ali Hatibi duke përgënjeshtruar lajmin e gazetarit të Rojtersit në lidhje me katërfishimin e prodhimit të naftës iraniane për Turqinë, deklaroi:

Të dhënat e kësaj agjencie nuk përkojnë me realitetin dhe deri më tani nuk kemi patur as ulje e as rritje të prodhimit të naftës.