Paris, 29 gusht - Grupi i 7 vendeve më të industrializuara rritjen e çmimit të naftës e konsideroi si një rrezik eminent për ekonominë globale dhe nga vendet prodhuese të naftës kërkoi shtimin e prodhimit të naftës.

Ministrat e financave të G7 u shprehën të shqetësuar për ndikimin negativ të rritjes së çmimit të naftës mbi ekonomitë kryesore të botës si dhe për shtimin e tensionit me Iranin.

Ata i kërkuan Organizatës Botërore të Energjisë të marrë masa urgjente për uljen e çmimit të naftës në tregjet botërore.

Sanksionet kundër Iranit që është një nga prodhuesit e mëdhenj të naftës, kanë ndikuar në rritjen e çmimit të naftës në tregjet botërore.