Paris, 28 dhjetor - Sipas informatave më të reja, Citroën-i francez po përgatit modelin e ri më të vogël nga vija DS, i cili në treg pritet gjatë vitit 2013 dhe do të jetë modeli Citroën DS1.

Vija e Citroën-it DS është zgjeruar sipas planeve dhe kësaj vije tani i shtohet edhe DS1.

DS i ri është paramenduar si konkurrent i Fiat 500, ndërsa do të bazohet në platformën e gjeneratës së re të modelit C1. Siç shkruajnë mediet, Citroën DS1 do të ketë gjatësi prej 3.6 metra.

Parashihet se motorët benzinë do të ofrojnë nga 68 kuaj fuqi deri në 100 (50-74 kW), ndërsa ata me naftë nga 70 kuaj fuqi (51 kW) e më lartë. Ky model pritet të dalë në shitje në pranverën vitit 2013.