Detroid, 22 dhjetor - Vetëm pak ditë pasi rivali i madh, “General Motors”, prezantoi një gjeneratë të re “Heavy Duty”, të versionit, Chevrolet Silverado dhe Sierra GMC, “Ford-i” ka njoftuar se është duke punuar shumë për gjeneratën e ardhshme të pick-up-it të popullarizuar, SuperDuty.

Këta pick-up, në grupin e të cilit përfshihen modelet F-250, F-350 dhe F-450, janë bindshëm më të popullarizuara në kategorinë e tyre dhe kontrollojnë rreth 40% të tregut.

Sipas fotografisë, mund të vërehet se gjigandi amerikan nuk është koncentruar shumë në dizajn, pasi që ndryshimet janë aq minimale dhe vetëm adhuruesit më të mëdhenj të “Ford-it”, mund t’i vërejnë ato.

Ndryshimet, kryesisht kanë të bëjnë me dritat pak më të mëdha, parakolpin e ri-dizajnuar dhe ndryshime të vogla në mënyrë të barabartë, janë vërejtur në enterier.

Motori i famshëm me benzinë 6.2l Coyote V8, do të vazhdojë të jetë standard dhe fuqia e tij është 385 KF dhe 549 Nm momente rrotulluese, por më shumë vëmendje tërheq gjenerata e ardhshme e motorit me naftë 6.7l Turbo Powerstroke V8.

“Ford-i” nuk zbuloi se sa fuqi zhvillon ky motor, por thotë se në sajë të një fuqie më të madhe turbo, fuqia do të jetë në mënyrë të konsiderueshme më e madhe se 400 KF dhe 1.083 Nm momente rrotulluese që i ka zhvilluar aktualisht.