Londër, 2 gusht - Koncepti i “Ford-it” i cili fitoi edhe çmim, ai Evos, modeli i cili botës ia prezantoi dizajnin e ri të prodhuesit të njohur, do të ekspozohet në ngjarjen e sivjetme “Salon Prive” që mbahet në Londër si pjesë e ekspozitës së re “Concepts&ampPrototypes”.

Plug-in grand tourer hibridi është prezantuar që në vitin 2011 në sallonin e veturave në Frankfurt, ndërsa e zbukuron i ashtuquajturi dizajni Kinetic 2.0 të cilin e shpiku Stefan Lamm, dhe i cili është ndërtuar nën udhëheqjen e drejtorit të dizajnit të “Ford-it” për Evropë, Martin Smith-it.

Makina atraktive e cila ngjan me coupe i ka katër dyer “gullwing”, ndërsa është pajisur me sistemet e avancuara teknologjike.

Nga “Ford” pohojnë se pjesë nga koncepti Evos do të vendosen në modelet e ardhme, duke përfshirë edhe gjeneratën e re të Mustang-ut i cili do të lansohet në Evropë.