Frankfurt, 24 qershor - Të gjithë dini për BMW-n legjendare Roadster Z4, i cili shpesh ka qenë ‘aktor’ në shumë filma.

Tani nga BMW arrijnë lajme edhe më të mira dhe njëri prej tyre është paralajmërimi i modelit të ri sportiv me shenjën Z2, i cili në treg vjen më 2013.

Informata e parë interesante është se ky model i vogël, do ta ketë sistemin e tërheqjes me katër rrota (AWD, All Wheel Drive).

Me këtë kjo kompani planifikon që të marrë një pjesë të tregut që e mban modeli Mazda MX-5.

Motori i tij do të jetë ai 2.0 litërsh me 4 cilindra i cili do të jetë me versione nga 170 deri më 272 kuaj fuqi, varësisht nga modeli.