Frankfurt, 6 qershor - Në ekspozitën e “Concorso d’Eleganza 2013”, që u mbajt në “Villa d’Este” Itali, është prezantuar koncepti BMW Pininfarina Grand Lusso Concept.

Versioni i prezantuar i “premium” sportistit paralajmëron që në sallonin “IAA’13” që mbahet në Frankfurt, nga 12 deri më 22 shtator, do të mund të arrinte edhe versioni para serik.

Coupe me një gjatësi 510, e gjerë 195 dhe e lartë 140 centimetra është e pajisur me luksin në nivel të lart dhe me mekanikën e klasës së parë.

Motori me benzinë biturbo V12 me injektim të drejtpërdrejtë nga vëllimi prej 5972 ccm i zhvillon 544 KF dhe 750 Nm, që është e mjaftueshme për përshpejtimin deri në 100 km për 4.2 sekonda.

Shpejtësia maksimale do t’i kufizohet në 250 km/h, ndërsa pa bllokadë Grand Lusso Coupe pa problem do të arrijë deri në 310.