Prishtinë, 15 korrik - Bashkimi Evropian në Kosovë, përmes projekteve të financuara nga IPA për Infrastrukturë komunale sociale dhe ekonomike, pati mundësinë që të ndihmojë komunën e Leposaviqit për të pajisur Centralin për Trajtimin e Ujit me të gjitha pajisjet e nevojshme për të siguruar më shumë ujë të pijshëm e të pastër në sistemin ekzistues të furnizimit me ujë.

Lokacioni afër Tvrxhan dhe centrali është projektuar për një kapacitet prej 50 litrash për sekondë të ujit të papërpunuar, i transportuar pë rnë objekt nga dy burime përmes sistemit të gypave.

Vlera e pajisjeve të këtij projekti, përfshirë laboratorin – ku mund të monitorohen të gjithë parametrat fizikë, kimikë dhe bakterologjikë të ujit të papërpunuar dhe atij të pastruar – është mbi gjysmë milion Euro (511.257 Euro).