Gjenevë, 14 shkurt - Aston Martin në panairin e veturave në Gjenevë, do ta ekspozojë versionin special të modelit V8 Vantage S, i cili është inspiruar me veturat e garës GT4.

Ky është modeli Aston Martin V8 Vantage SP10, i cili do të jetë në dispozicion në versionet Coupe dhe Roadster, ndërsa do të kushtojë 96.635 euro, shkruan autolajme.

Motori i tij do të jetë ai 4.7 litërsh V8 me 321 kW/430 kuaj fuqi dhe moment rrotullimi prej 490 dhe vjen në kombinim me transmisionin manual me 6 shpejtësi.

Përshpejtimin nga 0 në 100 km/h, e arrin për 4.5 sekonda, derisa shpejtësia maksimale është 305 km/h.

Shihni më sipër foto të Aston Martin V8 Vantage SP10