Frankfurt, 29 shtator - Aston Martin programin e tij për personalizim “Q by Aston Martin”, e ka prezantuar në vitin 2012 në Gjenevë, ku modelet e para me këtë program ishin Virage dhe Cygnet, ndërsa tani në Frankfurt është paraqitur edhe modeli 2014 Vanquish Volante Q by Aston Martin.

Ai dallohet me ngjyrën unike Red Ember, elementet Gulf Orange para dhe prapa, detaje Gloss Black dhe ulëset e lëkurës me ngjyrë të zezë, shkruan autolajme.

Motori i kësaj veture është ai 6,0 litërsh V2 me 565 kuaj fuqi dhe moment rrotullimi prej 619 Nm, në kombinim me transmisionin automatik Touchtronic 2, që siguron përshpejtimin nga 0 në 100 km/h, për 4.1 sekonda, derisa shpejtësia maksimale është 294 km/h. Tani për tani nuk ka informata rreth çmimit të tij.