Kiev, 4 nëntor - Qeveria e Ukrainës ka thënë se do të blejnë gaz natyror nga Rusia deri në fund të vitit, porse më pas do t’i drejtohen Evropës, nëse Rusia nuk ofron një çmim konkurrues.

“Presim dhe shpresojmë që shitësit e gazit rus të jenë racionalë dhe të propozojnë çmime konkurruese për ne”, ka thënë Andriy Kobolev, shef ekzekutiv i kompanisë ukrainase të gazit Naftogaz.

“Nëse nuk ka një ofertë të tillë, të gjithë gazin do ta blejmë nga Evropa”, ka shtuar ai.

Kobolev ka thënë se Naftogazi pret “rënie serioze” të çmimeve nisur nga çereku i dytë i vitit të ardhshëm.