Prishtinë, 2 dhjetor - Kryeshefi ekzekutiv i NP “Termokos” Sh.A, Naser Canolli ka vizituar sot në mëngjes punimet, që po zhvillohen në lagjen “Dardania” për të sanuar rrjedhjen, që është paraqitur në gypin magjistral.

Kryeshefi Canolli u ka ofruar atyre mbështetjen e nevojshme, që punimet të kryhen sa më shpejtë që do të jetë e mundur, në mënyrë që të rikthehet ngrohja edhe për lagjet “Dardania” dhe “Qendër”.

Ekipet në teren janë duke vazhduar punimet që kanë filluar mbrëmë dhe janë zhvilluar deri në orët e vona të natës për të sanuar rrjedhjen në gypin magjistral, që furnizon me ngrohje lagjet “Dardania” dhe “Qendër”.