Prishtinë, 23 nëntor - Ngrohtorja e Prishtinës ”Termokos” sh.a. që nga dita e hënë më 26.11.2012, do të nis sezonin e ri ngrohës 2012/2013.  

 Orari i furnizimit me ngrohje për gjithë konsumatorët tanë do të bëhet varësisht nga lëvizja e temperaturave.

Apelojmë edhe një herë tek të gjithë konsumatorët borxhlinj, që të paguajnë sa më parë faturat e ngrohjes, në mënyrë që të mundësojnë furnizim sa më cilësor me ngrohje.

Rikujtojmë se nga pagesa e faturave të ngrohjes varet jo vetëm cilësia e ngrohjes, por edhe kohëzgjatja e sezonit ngrohës.