Prishtinë, 14 shkurt - Ulja drastike e temperaturave ka ndikuar në shpenzimin enorm të sasive të mazutit që “Termokos” ka pasur në dispozicion për prodhimin e energjisë ngrohëse.

Si rrjedhojë,  këtyre ditëve “Termokos” është duke shfrytëzuar sasitë e fundit që ka në rezervuare, me të cilat mund të ofrojmë ngrohje edhe për 2-3 ditë vetëm në orët e paradites.

Në këtë situatë dhe në përpjekje për të ofruar ngrohje në këto ditë të ftohta dimri, menaxhmenti  i “Termokosit”, sot është detyruar që të kërkojë mbështetje financiare shtesë nga Qeveria e Kosovës.

Në përpjekje për tejkalimin e kësaj situate, mbesim me shpresë se kërkesa e “Termokosit” do të has në mirëkuptimin e Qeverisë së Kosovës, gjë që do të mundësonte furnizimin me ngrohje.