Prishtinë, 17 korrik - Termocentrali Kosova B do të hiqet nga pakoja tenderuese e projektit Kosova e Re. Kështu ka marrë vendim të hënën Komiteti Drejtues për këtë projekt.

Gazet Express thekson se këtë e kanë kërkuar vetë kompanitë e parakualifikuara.

Qeveria, më herët, e pati futur me zor Kosovën B në pako tenderuese, të cilën tash përmes Parlamentit duhet ta heqë. Nëse deputetët votojnë kundër, gjithçka nis nga e para.

Këtë propozim pritet ta miratojë Qeveria e Kosovës në mbledhjen e ardhshme që do të mbahet gjatë kësaj jave.

Bashkë me miratimin e këtij propozimi, mësohet se do t’u jepet drita e gjelbër edhe disa ndryshimeve sa i përket mihjes që do ta furnizojë termocentralin e ri me thëngjill dhe komplet strategjisë së energjisë.