Prishtinë, 18 shkurt - Organi Shqyrtues i Prokurimit i ka dhënë të drejtë Operatorit të Sistemit, Transmisionit dhe Tregut (KOSTT) për të vazhduar nënshkrimin e kontratës me kompaninë “N.T.P.UKAB”, shkruan sot “Koha Ditore”.

Sipas Koha Ditore, kjo kompani që kishte ofertuar çmimin prej 1 milion e 796 mijë eurosh për rehabilitimin e stabilimenteve të transformatorit të lartë në nënstacionin 110/10kV “Prizreni 3” është rekomanduar për kontratë pas eliminimit nga gara të kompanisë EFACEC që ishte më e lirë në çmim.