Prishtinë, 18 qershor - Instituti Hidrometeorologjik i Kosovës (IHK) ka bërë të ditur se mot me diell dhe rme vranësira të çrregullta do të na shoqërojnë gjatë këtyre dy ditëve të vikendit.

Të dielen vende- vende pritet të ketë zhvillim të vranësirave duke krijuar një destabilitet të përkohshëm të motit,  kështu që rigat e karakterit lokal janë të mundshme nëpër disa zona.

Temperaturat minimale do të lëvizin ndërmjet 13-16 gradë Celsius, kurse maksimalet e ditës do të lëvizin ndërmjet 32-34 gradë Celsius.

Shtypja atmosferike do të shënoj rënje të lehta duke  i ruajtur vlerat e normales.

Indeksi UV do të jetë i lartë mbi vlerat e normales, duke ju sugjeruar që gjatë intervaleve kohore nga ora 10-17 të mos jeni në kontakt të drejteperdrejt me rrezet e diellit.

Do  të fryjë erë drejtimesh të ndryshme e lehtë deri mesatare.