Prishtinë, 6 janar - Faturat e energjisë elektrike për muajin janar në shifra të madha sidomos ato për muajin janar kanë nervozuar konsumatorët. Këto fatura kanë bërë që në rrjetin social facebook të bëhen thirrje për të protestuar kundër shtrenjtimit të rrymës ditën e enjte.

Të enjten në Prishtinë tek selia qendrore e KEK-ut do të protestohet kundër shtrenjtimit të energjisë elektrike.

Në facebook është shkruar se do të protestohet te selia Qendrore e KEK-ut në lagjen Dardania (te Santea).

“Më datën 7 Shkurt në 12:00, protestë kundër rritjes së çmimit të energjisë elektrike nga KEK-u”, është shkruar në facebook.

Qytetarë të shumët kanë thënë për Telegrafin se krahasuar me muajin dhjetor, faturat e janarit janë për 50 për qind më të shtrenjta.