Prishtinë, 3 nëntor - Në parashikimin e motit për sot dhe nesër Instituti Hidrometerologjik i Kosovës (IHK) ka bërë të ditur se sot parashihet të mbajë mot kryesisht i vranët.

Temperaturat minimale do të lëvizin ndërmjet 3-4 gradë Celsius, ndërsa maksimalet e ditës parashihen të lëvizin ndërmjet 16-17 gradë Celsius.

Të enjten sipas IHK-së parashihet mot pjesërisht i vranët dhe me intervale të gjata me diell.

Temperaturat minimale do të lëvizin ndërmjet 6-7 gradë Celsius, ndërsa maksimalet e ditës parashihen të lëvizin ndërmjet 18-21 gradë Celsius.

IHK po ashtu bën të ditur se këto dy ditë do të fryjë erë e lehtë deri mesatare kryesisht nga drejtimi i juglindjes.