Prishtinë, 29 dhetor - Në parashkimin e motit për sot dhe nesër  Instituti Hidrometerologjik i Kosovës (IHK) ka bërë të ditur se do të mbajë mot kryesisht i vranët dhe me reshje shiu.

Nesër nuk parashihen reshje pos ndonjë rigë e izoluar. Në shumë territore të ulëta do të ketë mjegull si pasojë e ndryshimit të temperaturave në stadet e ulëta të troposferës.

Temperaturat minimale do të lëvizin ndërmjet 1-2 gradë Celsius, ndërsa maksimalet e ditës parashihen të lëvizin ndërmjet 6-8 gradë Celsius.

IHK bën të ditur së gjatë këtyre dy ditëve do të fryjë erë nga drejtimi i jugperëndimit me shpejtësi 1-5m/s.