Uashington, 13 nëntor - Zhvillimi i vendburimeve (depozitave) të gazit shist argjilor do t'i nxjerrë SHBA-të në vendin e parë në botë për prodhimin e naftës, duke i lejuar ato të pozicionohen mbi lideret aktuale - Rusinë dhe Arabinë Saudite.

Me një parashikim të tillë doli Agjencia Ndërkombëtare e Energjisë (ANE).

Vetëm një vit më parë organizata priste që për vendin e liderit në fund të dhjetëvjeçarit të luftonin vetëm Rusia dhe Arabia Saudite.

"Aty rreth vitit 2020 Shtetet e Bashkuara të Amerikës, siç pritet, do të bëhen prodhueset më të mëdha të naftës në botë.

Si rezultat, importi i naftës në SHBA (i cili aktualisht siguron 20% të nevojave të saj) do të vazhdojë të bjerë dhe rreth vitit 2030 Amerika e Veriut do të bëhet eksportuese neto e naftës" - mendon ANE-ja.