Moskë, 26 - Kompania ruse Gazprom dhe Turqia po mendojnë mbi rritjen e kapacitetit të gazsjellësit “Rryma Blu” nga 16 deri më 19 mlrd metra kubikë në vit.

Kjo u bë qartë pas takimit në Ankara të zëvendëspresidentit të kompanisë Aleksandër Medvedev me ministrin e energjetikës dhe të resurseve natyrore të Turqisë Taner Yildiz.

Gjatë vitit 2013 Turqia ishte furnizuar me gjithsej 26.61 mlrd metra kubikë gaz natyror.

Gazsjellësi “Rryma Blu” ishte lëshuar në eksploatim gjatë dhjetorit të vitit 2002 me qëllim furnizime direkte të gazit rus deri në Turqi në fundin e Detit të Zi.