Prishtinë, 9 dhjetor - Instituti Hidrometeorologjik i Kosovës ka bërë të ditur se gjatë këtyre dy ditëve të vikendit do të mbajë mot kryesisht i vranët.

Sot vranësirat do të jenë të paqëndueshme të cilat do të sjellin reshje shiu, në viset e larta reshje bore. Sasitë e reshjeve parashihet të jenë të ulëta.

Temperaturat minimale parashihet të lëvizin ndërmjet -3 deri  0gradë Celsius, ndërsa maksimalet e ditës do të lëvizin ndërmjet 2-9 gradë Celsius.

Do të fryjë erë nga drejtimi i juglindjes dhe verilindjes me shpejtësi 1-7m/s.

Fundi i javës vijuese parashikohet të jetë me reshje të konsiderueshme.