Prishtinë, 5 gusht - Ministri i Zhvillimit Ekonomik, Fadil Ismajli ka  zhvilluar një takim me Ambasadorin e  Shqipërisë në Prishtinë, Qemal Minxhozi me ç’rast është biseduar fuqizimi i bashkëpunimit dhe realizimi i marrëveshjeve mes dy vendeve në fushën e energjisë  dhe implementimi i marrëveshjeve të arritura deri tani si dhe përgatitja për marrëveshjet e ardhshme.
 
Takimi është zhvilluar në bazën e objektivave të implementimit që dalin nga nënshkrimi i marrëveshjes për tregun e përbashkët energjetik Kosovë-Shqipëri.

Më këtë rast ministri Ismajli ka bërë të ditur se hapi i ardhshëm është formimi i grupeve teknike të ekspertëve të të dyja vendeve që do të jetë edhe shembulli i parë në Evropën Juglindore për tregun e përbashkët.

Ky bashkëpunim do të optimizon dhe kursen energjinë elektrike të të dyja vendeve dhe si i tillë do t’i eliminojë edhe barrierat e ndryshme administrative.

Ndryshe në shtator kreu i MZHE-së, Fadil Ismajli së bashku me homologun e tij, Damian Gjiknuri do të zhvillojnë një takim, ku grupet teknike e të dyja vendeve do të fillojnë harmonizimin e kornizës ligjore e rregullative në mënyrë që epilogu i tërë këtij angazhimi të jetë një sistem i njëjtë apo edhe i përbashkët tarifor.
 
Po ashtu, në takim është diskutuar me theks në veçantë për fushën  minerare për çka pritet shpejt të nënshkruhet një memorandum i bashkëpunimit në mes dyja vendeve.

Fokusi në  këtë fushë  përfshinë zonat kufitare, ku bashkëpunimi i dyja vendeve do të sillte lehtësimin e proceduarve administrative në fushën e hulumtimit dhe eksploatimit, që nënkupton heqjen e barrierave që lidhen më këtë veprimtari për dyja  vendet