Prishtinë, 2 mars - Në parashikimin e motit për pesë ditët e ardhshme, Instituti Hidrometerologjik i Kosovës ka bërë të ditur se java e parë e muajit mars do të karakterizohet me mot kryesisht të vranët dhe intervale të shkurtra me diell.

Vranësirat gjatë ditës së martë do të shoqërohen me shi. Shiu do të filloj së pari në rrafshin e Dukagjinit për të përfshirë tërë vendin ditën e mërkure dhe tutje ditëve tjera duke e  vogëluar intensitetin.

Temperaturat minimale do të lëvizin ndërmjet 2 – 6 gradë Celsius, ndërsa maksimalet e ditës parashihen të lëvizin ndërmjet 9 – 18 gradë Celsius.

Do të fryjë erë nga drejtimi i jugperëndimit dhe veriperëndimit me shpejtësi 1 – 13 m/s.