Athinë, 18 prill - Rreth 60.000 vende pune dhe të ardhura 15 miliardë euro vlerëson ministri i mjedisit, energjisë dhe ndryshimit klimatik, Jorgos Papakondtandinu, efektin e programit të energjisë diellore, Helios, siç deklaroi për gazetën gjermane Die Welt.

Siç thekson gazeta, Greqia synon të marrë vetë në dorë të ardhmen e industrisë sëv et dhe të ngrihet përsëri në këmbë, pas përfundimit të programit të ndihmës europiane në 2016- 2-17. “Pastaj, energjia diellore greke do të jetë e disponueshme me çmime tregu, me një rritje normale kundrejt çmimeve të sotme”, thekson ministri.

Ministri i referohet edhe “eksportit statik”, që parashikohet nga dispozita të Komisionit Europian. “është hera e parë që dikush përdor mundësinë e eksportimit fiktiv. Energjia do të konsumohet në Greqi, por do të përllogaritet në bilancin energjitik të vendeve blerëse”, shpjegon papakonstandinu dhe shton se Greqia po zhvillon negociata me Luksemburgun dhe Italinë, dy vende që nuk mund të arrijnë objektivin ambicioz të BE për shtimin e energjisë nga burimet e rinovuershme në 20% deri në vitin 2020.

“Negociata po bëhene dhe me Gjermaninë, e cila, ndonëse e arrin objektivin e vet, interesohet të reduktojë koston e energjisë përmes importit të rrymës diellore greke, qoftë në mënyrë reale, qoftë në mënyrë statike”, theksoi Papakonstaninu.