Prishtinë, 21 tetor - Green Art Center (GAC) në vazhdimësi implementon aktivitete në kuadër të projekteve me donatorë të huaj me focus përmirësimin e kushteve mjedisore dhe që stimulojnë zhvillimin e ekonomisë qarkore në vend.

Në vitet e fundit në partneritet me Giz-German ‘Projekti për Shërbime të Qëndrueshme Komunale” kanë nisur implementimin projektet që synojnë ndarjen e mbeturinave të riciklueshme në funksion të zhvillimit të ekonomise qarkore në nivel vendi, dhe ku në pilotimet e para janë bërë planifikimet e këtij procesi dhe analizuar lagjet pilot në qytetet si :Prishtinë,Vushtri, Drenas, Mitrovicë, Fushë Kosovë, Gjakovë, Prizren.

Përpos Komunës së Prishtinës që do të nisë pilotimin  për riciklim në një fazë të radhës, qytetet e tjera kanë nisur zbatimin e projekteve për ndarjen në burim për mbeturina të riciklueshme.

Kësisoj,ky process përballet me sfida të shumta ku përpos vetëdijes qytetare, krijimit të parakushteve për ofrimin e infrastruktures për ndarje ne burim, duhet të analizohet tregu I grumbulluesve të mbeturinave të riciklueshme, mundësia e tyre në përfshirje në sistem, dhe ku paraprakisht të krijohen mundësi për grumbullimin dhe trajtimin e mbeturinave të riciklueshme me qëllim që sistemi të jetë i qëndrueshëm.

Meqenëse janë fazat e pilotimit për këtë proces të rëndësishëm mjedisor në Kosovë, në komunat e lartëpërmendura, janë duke u zhvilluar modele të ndryshme për sa i përket funksionalizimit të sistemit të riciklimit duke u analizuar cdo detaj I këtij procesi I cili kërkon kohën e saj dhe investimet përkatëse në këtë sector.

Në këto rrethana, Komuna e Vushtrisë është një nga komunat e cila momentalisht është duke ndarë më së shumti sasi të mbeturinës së riciklueshme dhe kjo falë edhe projektit shtesë që e ka ndihmuar Coca Cola HBC në kuadër të kampanjës “Ruje mos e Gjuj” duke mundësuar shtimin e sasisë së shportave për ndarje të mbeturinave në burim për 500 amvisëri shtesë.

Deri më tani kjo komunë e ka shtrirë skemën e riciklimit në tre zona në zonën qendër në rreth 1000 amvisëri, nëpër bisnese dhe institucione duke bërë të mundur shtimin e sasisë së mbeturinës së riciklueshme e cila kontribuon në gjenerimin e të hyrave për funksionalizimin e qendrës sociale të paketimit që gjendet në këtë komunë.

Sipas raportimeve,sasia e mbeturinave të ndara është në rritje ku prej 2 ton në muaj, tashmë prej zonës së pilot projektit grumbullohet në ditë të vecanta mbi 8 ton mbeturinë e riciklueshme.

Deri më tani me ndihmën edhe të Komunës së Vushtrisë në këtë qendër po munden të punësohen 3 persona që merren me grumbullim,sortim dhe paketim të mbeturinave të riciklueshme që shiten për tregun e industrisë së prodhimit.

Zyrtarë të GAC në Vushtri,me përkrahjen e GIZ, janë duke facilituar gjithë këtë proces duke hartuar kësisoj edhe planin e operimit për grumbullimin e mbeturinave të riciklueshme, me qëllim që të krijohet një sistem I mirëorganizuar në këtë drejtim.

Urojmë që ky model I mirëfilltë I organizimit të skemës për riciklim të shtrihet në nivel vendi duke u përkrahur edhe prej nivelit qëndror, duke reduktuar në këtë mënyrë sasinë e mbëturinave që deponohen dhe të gjenerohen vende pune në sektorin e ekonomisë së gjelbër.