Prishtinë, 27 korrik - Operatori i Sistemit, Transmisionit dhe Tregut të energjisë elektrike të Kosovës (KOSTT) ka njoftuar qe sot planifikohet të energjizohet linja e re e tensionit të lartë 110 kV që lidhë Nënstacionin 110/35kV Vushtrria 1 me Parkun Energjetik me Erë Selaci.

Linja në fjalë me gjatësi prej 19.7 kilometrave, kalon në vendbanimet e Komunës së Vushtrrisë (Dobërllukë, Banjskë, Sllatinë, Pasomë dhe Gumnishtë) si dhe në vendbanimet e Komunës së Mitrovicës (Rashanë, Tërstenë dhe Bajgorë).

KOSTT lut qytetarët që gravitojnë në këto vendbanime që të kenë kujdes, pasi që linja nga momenti i energjizimit paraqet rrezik nga tensioni i lartë.