Prishtinë, 29 janar - Instituti Hidrometeorologjik i Kosovës ka bërë të ditur se gjatë këtyre pesë ditëve te ardhshme do të mbajë mot me diell dhe vranësira të shpërndara.

Mëngjeset sipas IHK-se do të jenë me ngrica dhe mjegull, ndërsa gjatë ditës kryesisht  me diell.

Kjo gjendje meteorologjike do të vazhdoj deri ditën e premte, ku më tej masat e ajrit me origjinë nga juglindja do ta ndryshojnë këtë situatë, duke krijuar kushte për vranësira të dendura dhe reshje shiu , kurse në vise të larta edhe reshje bore.

Shtypja e lartë atmosferike do të mbetet e qëndrueshme edhe për 4 ditët e para të javës vijuese.

Temperaturat minimale do të lëvizin ndërmjet -5 deri -1 gradë Celsius, kurse maksimalet e ditës parashihet të lëvizin ndërmjet 6-10 gradë Celsius.

Të premten kur parashihet të ketë reshje edhe temperaturat minimale do të rriten por që maksimalet do ti ruajnë vlerat e ditëve paraprake.

Do të fryjë erë nga verilindja dhe jugëperëndimi me shpejtësi 1-7m/s.