Prishtinë, 12 prill - Kompania e Distribucionit dhe Furnizimit me Energji Elektrike - KEDS ka njoftuar se në orët e hershme të mëngjesit të sotem janë lajmëruar për daljen nga puna të Bllokut B1 dhe nga KEK janë që është duke u bërë çdo përpjekje që njësia gjeneruese B1 në Termocentralin Kosova B të ri-fillojë prodhimin e energjisë elektrike sa më shpejtë.

Momentalisht, KEDS sipas njoftimit varet nga importi emergjent i energjisë elektrike dhe u kërkojmë ndjesë konsumatorëve për reduktime eventuale të energjisë elektrike.

\"Importimi i energjisë elektrike është proces që kërkon kohë, kapacitete për importim që janë në dispozicion në treg dhe përgatitje teknike prandaj nuk mund të realizohet në afat kohor të menjëhershëm\", thuhet në njoftim.

KEDS thekson se vazhdon përpjekjet për realizim të importit deri për sa prodhimi i energjisë elektrike nuk është i mjaftueshëm dhe nuk mbulon kërkesat e qytetarëve të Republikës së Kosovës. Qëllim i KEDS është që qytetarët të furnizohen pa ndërprerje me energji elektrike.