Moskë, 9 prill - Ministri rus i Energjetikës, Sergej Shmatko, sot deklaroi se Austria deri në fund të këtij muaji do t`i bashkangjitet gazësjellësit Rrjedha jugore.

Shmatko, siç transmetojnë agjencitë, ka thënë se marrëveshje me Austrinë do të përcillet para fillimit të ndërtimit të gazësjellësit gjatë këtij viti.

Rrjedha jugore është projekt i përbashkët i Gazprom-it rus dhe Eni-t italian, ndërsa do të shtrihet nga Rusia, nën Detin e Zi, deri te Bashkimi Evropian.

Kapaciteti i Rrjedhës jugore, në vitin 2015 kur duhet të jetë e përfunduar, do të arrijë 63 miliardë mera kub gaz në vit.

Në projektin marrin pjesë Bullgaria, Greqia, Serbia, Hungaria, Kroacia, Sllovenia dhe Italia.

Austria përndryshe pranoi gazësjellësin konkurrent Nabuko, të mbështetur nga BE-ja dhe SHBA-të, ndërsa në projektin rus duhet të mundësojë „bajpas“ për qarkullimin e gazit nga rajoni kaspik deri te Evropa Perëndimore.