22 Mars 2023

Prishtina Mall hap dyert për mediat dhe përfaqësusit e brendeve

Prishtinë, 19 janar - Sot, pas tre vitesh ndërtimi, një nga qendrat tregtare më të mëdha në Evropën Juglindore me krenari hapi dyert e saj për herë të parë për mediat dhe pronarët e bizneseve për një shikim të shpejtë të mrekullisë së saj nëpërmjet një vizitë ekskluzive shoqëruar me koktej.

Me një hapësirë prej 240.000 metrash katrorë, e projektuar nga LaguardaLow Architects nga Nju Jorku, dhe e çertifikuar me EDGE level 1 për strukturën e saj miqësore ndaj mjedisit, Prishtina Mall përmbush standardet më të larta botërore dhe sjell prestigj ndërkombëtar në Kosovë dhe në mbarë rajonin, duke sjellë një koncept të ri argëtimi dhe shopingu.

Prishtina Mall me entuziazëm ofroi një mundësi për njerëzit që të njihen më mirë me qendrën dhe ofertat e saj, përmes këtij eventi mysafirët patën mundësinë të eksplorojnë ndërtesën, të marrin një vështrim nga prapaskenat e bizneseve që së shpejti do ta quajnë këtë ndërtesë të mrekullueshme shtëpi.

Vizita u shoqërua nga drejtori menaxhues Z. Alvaro Costa dhe Presidenti i Bordit Z. Fatmir Zymberi, të cilët dhanë një pasqyrë të historisë së qendrës tregtare dhe qiramarrësve të saj.

Pas vizitës, të pranishmit patën mundësinë e diskutimit të potencialit të fillimeve të tyre të reja gjatë koktejit, të organizuar në amfiteatrin e kësaj qendre.

Prishtina Mall do të hapet për publikun më 9 mars 2023, dhe është investimi më i madh privat në Kosovë, i cili do të sjellë më shumë se 200 marka ekskluzive, shumë prej të cilave hapen për herë të parë në Kosovë si Cinestar, Hyperactive, Hamleys, Intersport, Mr. Bricolage, etj.
 

Kalendari

Ngjarjet e datës 22 mars 2023

- Asociacioni i Qendrave për Punë Sociale dhe Departamenti Punë Sociale, Universiteti i Prishtinës “Hasan Prishtina” organizon ditën e dytë të konferencës se dytë Nacionale për shënimin e Ditës Botërore të Punës Sociale. (Fakulteti Filozofik i Universitetit të Prishtinës, ora 9:30)

- Administrata Tatimore e Kosovës në bashkëpunim me Iniciativën Kosovare për Stabilitet organizojnë panel diskutimi me temë “Formalizimi i punësimit”. (Biblioteka Kombëtare, ora 10:00)

- Ministria e Mjedisit, Planifikimit Hapësinor dhe Infrastrukturës organizon takim publik për hartimin e Koncept Dokumentit të Fushës së Ujërave. (Hotel Garden, ora 10:00)

- Ideatorët e platformës "Liria ka emër", Eliza Hoxha dhe Ismail Tasholli, do të vizitojnë Organizatat e dala nga lufta të UÇK-së. (Zyrat e Organizatave të dala nga lufta të UÇK-së, ora 11:00)

- Presidentja e Kosovës, Vjosa Osmani, dhe ministri i Shëndetësisë, Arben Vitia, vizitojnë Klinikën e Gjinekologjisë në QKUK, ku planifikohet të fillojnë shërbimet për Fertilizim të Asistuar Mjekësor (FAM) në shërbimin publik. (Klinika Gjinekologjike në QKUK, ora 11:00)

- Myftiu i Kosovës, Naim Tërnava, jep mesazhin me rastin e fillimit të muajit të Ramazanit. (Selia e BIK-ut, ora 11:00)

 - Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)

- Në shënimin e Javës Ndërkombëtare e Parasë, Shoqata e Bankave të Kosovës zhvillon një vizitë në shkollën "Thimi Mitko" në Gjilan. (Gjilan, ora 13:30)

- Instituti Demokratik i Kosovës në bashkëpunim me Transparency International organizon tryezën e diskutimit “Buxhetimi gjinor në kuadër të partive politike në Kosovë”, një diskutim i përbashkët mes kryetareve të forumeve të grave të partive kryesore në vend, trupave menaxhuese zgjedhore, shoqërisë civile dhe korit diplomatik në vend. (Hotel Sirius, ora 14:00)