29 Maj 2023

Largohen nga tregu çokolatat ‘’ Frey’’ të dyshuara për falsifikim të datës se skadencës

Prishtinë, 6 maj - Pas raportimit të konsumatorit të publikuar ne rrjete sociale, per dyshime të falsifikim të datës se skadences se produktit çokolatë, prodhues fabrika ‘’Frey’’ origjina Zvicër, Agjencia e Ushqimit dhe Veterinarisë (AUV) bashkë me Policinë e Kosovës menjëherë ka nisur gjurmimin për të gjetur adresën e operatorit ekonomik distribues i cili ka rezultuar se gjendet në Fushë Kosovë.

Ekipi inspektues i AUV ka shkuar për inspektim të depos se produkteve. Aty ka gjetur produktet e njëjta si të dyshimta.

AUV thekson se datat e skadencës janë mbuluar me stikera të distributorit dhe u janë shënuar, data tjera.  

Menjëherë janë ftuar Policia me njësitet relevante për të bërë verifikimin e dyshimit në falsifikim.

Inspektorët e AUV-së bashkë Policinë e Kosovës kanë ndërmarrë të gjitha veprimet në raste.

Sasia e gjetur e produkteve e gjetur është ndaluar për qarkullim, po ashtu është urdhëruar distributori, qe menjëherë  të bëjë tërheqjen nga të gjitha pikat ku e ka shpërndarë produktin.

Në të njëjtën kohë është gjetur edhe adresa e furnitorit të këtij produkti si Importues me lokacion ne komunën e Gjilanit.

Po ashtu sipas AUV tek i njëjti autoritete shtetrore kanë gjetur edhe një sasi tjetër të çokolatës se njëjtë me afat të skaduar por qe nuk i është manipuluar data.

"Nga të dyja rastet është arritur të ndalohen rreth 2500 njesi çokolate prodhues fabrika ‘’ Frey’’ lloji: supreme dark orange, supreme  dark 78%, dhe supreme dark crunchy almond. Të gjitha  me peshë 100 gram për njësi", bën të ditur AUV.

Kujdes konsumatorë! Mos i konsumoni produktet e cekura me lartë sipas prodhuesit, llojit dhe etiketave, kthejini pranë subjekteve ku i keni blerë! Nëse i gjeni në shitje lajmëroni autoritetin. 080050095 thirrje pa pagesë

Agjencia e Ushqimit dhe Veterinarisë bashkë me Policinë e Kosovës janë në proces të gjurmueshmërisë. Do të ndërmerren të gjitha veprimet ligjore ndaj operatoreve ekonomik dhe personave të përfshirë në raste. Operatori ekonomik i dyshuar për falsifikim është mbyllur deri ne një vendim tjetër   

Kalendari

Ngjarjet e datës 29 maj 2023

- Deputetja e Parlamentit Evropian dhe Raportuesja e Përhershme për Kosovën Viola Von Cramon - Taubadel do të mbajë një konferencë për shtyp. (Shtëpia e Evropës në Prishtinë përballë Zyrës së BE-së, ora 11:30)
 
- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale, procedurat e caktimit të pagës minimale dhe shkallët tatimore në të ardhurat personale vjetore. (Ndërtesa e Kuvendit, salla C203, ora 13:30)

- Koncerti i radhës, bashkëpunim i Chopin PianoFEST Prishtina me Filharmonine e Kosovës, sjell në skenë 2 artistë të shquar  nga Mbreteria e Bashkuar Peter Donohoe, doajenin e pianos dhe dirigjentin Robert Guy, për të performuar së bashku me Filharmoninë e Kosovës Koncertin nr.3 të S. Rachmaninof, me rastin e 150 vjetorit të këtij kompozitori gjenial të epokës së romantizmit. (KlanArena, ora 20:00)