04 Qershor 2023

Çmimet e naftës rriten serish për shkak të tensioneve gjeopolitike

New York, 28 janar - Çmimet e naftës janë rritur mes shqetësimeve për rënie të mëtejshme të furnizimit me naftë për shkak të tensioneve gjeopolitike që lindin nga kriza midis Rusisë dhe Ukrainës.

Nafta e papërpunuar standarde ndërkombëtare ‘Brent’ u tregtua me 88,59 dollarë për fuçi mëngjesin e sotëm, duke shënuar një rritje prej 0,48 për qind pas mbylljes së mëparshme me 88,17 dollarë për fuçi.

Standardi amerikan ‘West Texas Intermediate’ (WTI) u tregtua me 87,17 dollarë për fuçi, duke shënuar një rritje prej 0,65 për qind pas mbylljes së mëparshme me 86,61 dollarë për fuçi.

Çmimet e naftës janë në rritje, të ndihmuar nga vendimi i prodhuesve kryesorë të naftës për vazhdimin e politikës së tyre të rritjes së kufizuar të prodhimit.

Kriza e vazhdueshme midis Rusisë dhe Ukrainës po ashtu ka rritur shqetësimet për një kompromis në furnizimin me gaz në Evropë në përgjigje të sanksioneve të mundshme kundër Rusisë. Zëdhënësi i Departamentit të Mbrojtjes së SHBA-së, John Kirby, në 24 orët e fundit njoftoi një ngritje ushtarake ruse në rajonet afër kufirit me Ukrainën dhe Bjellorusinë.

Ndërkohë, investitorët janë të fokusuar në takimin e planifikuar për më 2 shkurt të grupit OPEC dhe aleatëve, OPEC+. Grupi tashmë një kohë po përpiqet të arrijë kuotën e synuar të prodhimit prej 400 mijë fuçish në ditë.

Ekspertët parashikojnë se në muajin mars grupi OPEC+ do të qëndrojë besnik ndaj politikës së tij aktuale të prodhimit, megjithëse furnizimi do të vazhdojë të tkurret përballë kërkesës në rritje.

Kalendari

Ngjarjet e datës 2 qershor 2023 - Kuvendi i Republikës së Kosovës mban seancë te veçantë në të cilën do të debatohet për situatën në veri të Kosovës. (Kuvendi i Kosovës, ora 10:00)

- Qendra për karrierë dhe alumni e Universitetit të Prizrenit organizon Panairin e Punës dhe Karrierës. (Galeria Shopping Mall, ora 10:00)

 - Organizohet përurimi i bustit të heroit Adem Ukëhaxhaj. (Fshati Carrabreg, pranë Ambulantes  ora 10:30)

- Qendra Kombëtare e Kosovës për Transfuzionin e Gjakut në bashkëpunim me Komunën e Hanit të Elezit dhe Bashkësinë Islame të Hanit të Elezit, organizojnë aktivitetin e dhurimit të gjakut. (Qendra e Kulturës "Imri Curri" në Han të Elezit, ora 11:00)

- Organizata Plus Kult organizon promovimin e krijimtarisë letrare të poetit Ahmet Pllana, në shenjë të 50 Vjetorit të krijimtarisë. (Salla e Plus Kult në Shtëpinë e Kulturës në Fushë Kosovë, ora 11:00)

- Nën patronatin e kryetarit të Komunës së Pejës, Gazmend Muhaxheri, në sallën e Asamblesë Komunale organizohet Akademi Përkujtimore kushtuar atdhetarit, Adem Ukëhaxhaj. (Asamblea Komunale e Pejës, ora 14:00)

- Qendra Kombëtare e Librit dhe Leximit organizon promovimin e antologjisë poetike "Girl of Monday",  e cila vjen në tri gjuhë: shqip, holandisht dhe anglisht. (Objekti i Qendrës Kombëtare të Librit dhe Leximit, ora 18:00)