Kosova shënon sot "Ditën pa makina"
Prishtinë, 22 shtator - Ministria e Mjedisit, Planifikimit Hapësinor dhe Infrastrukturës në bashkë organizim me Komunën e Prishtinës, Podujevës, Obiliqit, Shtimes, Lipjanit, Kaçanikut, Pejës, Gjilanit OJQ-në “Marakli t’Biciklave”, nën përcjelljen e Policisë së Kosovës shënon “Javën Evropiane të lëvizshmërisë”.
Në komunat e lartcekura sipas itinerarit të lëvizjes është bërë ndalim-qarkullimi për makina njëkohësisht janë krijuar hapësira publike për aktivitete të ndryshme, ecje, çiklizëm si dhe përdorim i mjeteve tjera alternative.
Ndërsa sot do të shënohet Dita pa Makina”, manifestimi qendror do të mbahet në hapësirën para monumentit, “New Born”, në Prishtinë.
Moto e Javës Evropiane të Lëvizshmërisë për vitin 2022 është, ”Lëvizje e kombinuar - lidhje me të mira".
Ndërkaq Komuna e Prishtinës organizon marshim me biçikleta si dhe aktivitet me fëmijë të shkollave fillore më qëllim mësimin bazik të ngasjes së biçikletës duke u referuar në shenjëzimin adekuat dhe rregullat themelore të ngasjes.
Edhe OJQ EC Ma Ndryshe organizon sot aktivitetin “Dita pa makina” cili synon sensibilizimin e qytetarëve që të shmangin sa më shumë përdorimin e makinave, të cilat emetojnë lëndë të dëmshme për organizmin duke kontribuar kështu në mbrojtje të mjedisit.
