22 Mars 2023

TikTok një ‘kërcënim sigurie’

Pragë, 10 mars - Mbikëqyrja kibernetike çeke ka lëshuar një paralajmërim kundër përdorimit të aplikacionit të popullarizuar kinez për shpëndarjen e videove TikTok duke përmendur kërcënime sigurie.

TikTok, një aplikacion kinez për shpërndarjen e videove, është vënë nën kontroll të shtuar kohët e fundit në shumë vende mbi procedurat e trajtimit të të dhënave.

Mbikëqyrësi çek paralajmëroi më tej se TikTok mund të përbëjë një kërcënim sigurie nëse instalohet në “pajisjet që aksesojnë informacionin kritik dhe infrastrukturën e komunikimit”.

Vendet perëndimore janë të shqetësuara, se aplikacioni mund t’u japë autoriteteve kineze akses në të dhënat e ndjeshme të përdoruesve.

“Agjencia është e shqetësuar për një kërcënim të mundshëm të sigurisë që rrjedh nga përdorimi i TikTok kryesisht për shkak të sasisë së të dhënave të përdoruesit që mblidhen nga aplikacioni, si dhe mënyrës së trajtimit të të dhënave”, thanë rregullatorët.

Shqetësime të mëtejshme burojnë nga fakti se kompania amë e TikTok, ByteDance “është nën juridiksionin ligjor të Republikës Popullore të Kinës.”

Autoriteti kibernetik çek shtoi më tej se “mbledhja e tillë e të dhënave në shkallë të gjerë është shqetësuese për shkak të mjedisit ligjor dhe politik të Republikës Popullore të Kinës duke pasur parasysh se ByteDance, zhvilluesi dhe administratori i TikTok, bie nën juridiksionin e Republikës Popullore të Kinës.”

Politikanët dhe zyrtarët u këshilluan kundër përdorimit të aplikacionit dhe publikut të gjerë iu kërkua të shqyrtonte nëse do ta përdorte gjithashtu aplikacionin.

ByteDance, kompania amë e TikTok, ka thënë më parë se shqetësimet rreth aplikacionit janë nxitur nga disinformatat dhe ka mohuar përdorimin e aplikacionit për spiunimin e perëndimorëve.

Pekini nga ana tjetër ka mohuar të ketë synime për të përdorur aplikacionin për qëllime spiunazhi.

Republika Çeke i bashkohet listës së disa vendeve që kanë ndërmarrë hapa për të kufizuar përdorimin e TikTok.

Shtetet e Bashkuara dhanë një kufi 30-ditor muajin e kaluar për të hequr aplikacionin nga të gjitha pajisjet dhe sistemet federale.

Parlamenti Evropian, Komisioni Evropiandhe Këshilli i BE-së e kanë ndaluar TikTok nga të gjithë telefonat e stafit.

Kanadaja dhe Danimarka gjithashtu e kanë ndaluar stafin e tyre që të ketë TikTok në telefonat e tyre.

Në një raport të mëparshëm të lëshuar në vitin 2022, agjencia e inteligjencës kombëtare çeke me seli në Pragë e quajti Kinën si një kërcënim të madh që synon hapësirën kibernetike çeke./DW/

Kalendari

Ngjarjet e datës 22 mars 2023

- Asociacioni i Qendrave për Punë Sociale dhe Departamenti Punë Sociale, Universiteti i Prishtinës “Hasan Prishtina” organizon ditën e dytë të konferencës se dytë Nacionale për shënimin e Ditës Botërore të Punës Sociale. (Fakulteti Filozofik i Universitetit të Prishtinës, ora 9:30)

- Administrata Tatimore e Kosovës në bashkëpunim me Iniciativën Kosovare për Stabilitet organizojnë panel diskutimi me temë “Formalizimi i punësimit”. (Biblioteka Kombëtare, ora 10:00)

- Ministria e Mjedisit, Planifikimit Hapësinor dhe Infrastrukturës organizon takim publik për hartimin e Koncept Dokumentit të Fushës së Ujërave. (Hotel Garden, ora 10:00)

- Ideatorët e platformës "Liria ka emër", Eliza Hoxha dhe Ismail Tasholli, do të vizitojnë Organizatat e dala nga lufta të UÇK-së. (Zyrat e Organizatave të dala nga lufta të UÇK-së, ora 11:00)

- Presidentja e Kosovës, Vjosa Osmani, dhe ministri i Shëndetësisë, Arben Vitia, vizitojnë Klinikën e Gjinekologjisë në QKUK, ku planifikohet të fillojnë shërbimet për Fertilizim të Asistuar Mjekësor (FAM) në shërbimin publik. (Klinika Gjinekologjike në QKUK, ora 11:00)

- Myftiu i Kosovës, Naim Tërnava, jep mesazhin me rastin e fillimit të muajit të Ramazanit. (Selia e BIK-ut, ora 11:00)

 - Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)

- Në shënimin e Javës Ndërkombëtare e Parasë, Shoqata e Bankave të Kosovës zhvillon një vizitë në shkollën "Thimi Mitko" në Gjilan. (Gjilan, ora 13:30)

- Instituti Demokratik i Kosovës në bashkëpunim me Transparency International organizon tryezën e diskutimit “Buxhetimi gjinor në kuadër të partive politike në Kosovë”, një diskutim i përbashkët mes kryetareve të forumeve të grave të partive kryesore në vend, trupave menaxhuese zgjedhore, shoqërisë civile dhe korit diplomatik në vend. (Hotel Sirius, ora 14:00)