Nis konferenca Ndërkombëtare për Siguri Siguri Kinernetike “Cyber Zero”
Prishitnë, 26 janar - Sot në Prishtinë do të fillojë konferenca Ndërkombëtare për Siguri Siguri Kinernetike “Cyber Zero” e cila i jep kuptim secilit diskutim e strategji, që bëhet në luftë me sulmet online dhe kërcenimet në sigurinë kibernetike.
Konferencës do t'i adresohet audiences sonë Ambasadori amerikan, Jefrrey M.Hovenier, Kryeministri i vendit, Albin Kurti, dhe Kryetari i Prishtinës, Perparim Rama.
Edicioni i 7-të i Konferencës për Siguri dhe Privatësi ruan traditen duke sjellë garën e madhe të hakerëve plisbardhë, që sivjet mbërrinë shumën prej $20'000, në këmbim të raportimit të dobësive të uebfaqeve të paraselektuara.
Risi këtë edicion është edhe çmimi “The cyber security Women Game Changer Awards”, që do të shpërblejë tri femra të suksesshme në TIK, si motiv edhe për vajzat e reja, që të bëhën pjesë e fushës së sigurisë kibernetike.
Konferenca e ndarë në dy ditë, në dhjetëra panele, me temat më me interes nga siguria kibernetike dhe privatësia, me ekspertët më eminent, përfaqësuesit e institucioneve shtetërore, kompanive prodhuese, mediave dhe gazetarëve, do të jetë një arenë diskutimi, për të dhënë përgjigje mbi çdo problematike e pasiguri, që aktualisht sfidon mbrojtjen online.
Shoqata Kibernetike Shqiptare- ACA me shumë partner, duke nisur nga FindBug, Ambasada Amerikane në Prishtinë, Agjencioni për Informim dhe Privatësi, Komuna e Prishtinës, sjellin në KLAN ARENA ekspertë vendor e ndërkombëtarë nga Google, Fortinet, IBM, KPMG, FORTRA, AirBnB e shumë prodhues të njohur të fushës së sigurisë kibernetike, të cilët para një audience prej 1000 personave do të diskutojnë dhe prezantojnë format më të reja të mbrojtjes nga sulmet online dhe pajisjet më inovative nga kjo fushë.
