29 Mars 2023

Microsoft zbulon detaje të reja për Windows Mobile 7.0

SHBA, 20 shkurt - Microsoft pritet që të hënën të shpalos detaje të reja rreth sistemi të saj operativ mobil, Windows Mobile 7.0.

Kongresi Botëror Mobil 2010 (WMC – World Mobile Congress) do të fillojë gjatë javës së ardhshme në qytetin e bukur të Barcelonës në Spanjë, dhe kompanitë kryesore të industrisë mobile janë duke u përgatitur që të bëjnë një paraqitje në të.

Microsoft pritet që të shpalos dy gjëra në këtë konferencë gjatë ditës së hënë: Një demonstrim të Windows Mobile 7 dhe disa detaje të reja rreth projektit të koduar me emrin “Pink”. Deri më tani e tëra çfarë dimë rreth sistemit operativ mobil WinMo 7 është se ndërfaqja do të jetë e ngjashme me atë të Zune HD, do të ofrohet në edicionet biznes dhe media dhe do të ketë përkrahje për multitouch, si dhe do të ofrojë softuer pa pagesë për navigim.

E sa i përket projektit Pink që u përmend më lartë, ai ende është mister ...

Wall Street Journal raporton se “Projekti Pink” supozohet të jetë një celularë që është një smartphone i orientuar kah rinia, sikurse që është SideKick nga T-Mobile dhe se do të jetë i fokusuar mjaft shumë në aplikacionet për rrjete sociale.

Në fakt Wall Street Journal ka raportuar se celulari i ri Pink momentalisht është duke u kompletuar nga kompania japoneze Sharp dhe se pritet që të paraqitet në shitje ndërkombëtarisht përmes Verizon Wireless dhe Vodafone Group PLC, qysh në fillim të pranverës.

Natyrisht celulari Pink do të fuqizohet nga sistemi operativ i ri mobil, Windows Mobile 7.

Megjithatë është vështirë të thuhet diçka rreth asaj sesi do të qëndrojë në treg sistemi operativ mobil WinMo, kur dihet se ka konkurrent të rinj si Android dhe së fundi edhe hapjen e kodit burimor të Symbian, për të cilin pritet të ketë një rritje të popullaritetit. 

Kalendari

Ngjarjet e datës 29 mars 2023

- Komisioni për Ekonomi, Industri, Ndërmarrësi dhe Tregti shqyrton ndryshimin dhe plotësimin e Ligjit për mbrojtjen e konsumatorit. (Kuvendi i Kosovës, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Kuvendi, salla N302, ora 10:00)

- Qendra e Kosovës për Eksport organizon ngjarjen “Rritja e eksportit përmes platformës KoEx”. (Hotel Sirius, ora  10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive. (Kuvendi, salla N10, ora 11:00)

- Komisioni për të Drejtat dhe Interesat e Komuniteteve dhe Kthim shqyrton Projektligjin për Prokurorin e Shtetit si dhe ndryshimin dhe plotësimin e Ligjit për trajtimin e ndërtimeve pa leje. (Kuvendi, salla N303, ora 11:00)

- Do të bëhet nënshkrimi i Memorandumit të Bashkëpunimit trepalësh mes Ministrisë së Kulturës, Rinisë dhe Sportit, Ministrisë së Mbrojtjes dhe Federatës së Xhudos të Kosovës. (Qendra Nacionale të Xhudos në Pejë, ora 11:00)

- Promovohet romani “Duke ndjekur fluturat” i autores Hana Hoxha, i cili ka si fabulë edukimin e nxënësve/fëmijëve për rolin e policisë në sigurinë e tyre. (Biblioteka Kombëtare, ora 12:00)

- Bëhet inaugurimi i punëtorisë së Floktarisë në Qendrën e Kompetencës “Shtjefën Gjeçovi”, e cila do të shërbejë për zbatimin e mësimit dual ku merr pjesë edhe ministrja e Arsimit, Arbërie Nagavci. (Shtjefën Gjeçovi në Prishtinë, ora 13:00)