26 Mars 2023

Thirrje për mbështetje financiare për prindërit e fëmijëve të porsalindur

Prizren, 2 nëntor - Komuna e Prizrenit ka hapur thirrje publike për aplikim për mbështetje financiare për të gjithë prindërit, banorë të komunës së Prizrenit, të cilët kanë fëmijë të lindur brenda vitit 2021.

Sipas vendimeve të Kuvendit të Komunës, Nr.001/011-72705 të datës 21/05/2021 dhe Nr. 001/011-141359 të datës 09 shtator 2021, me qëllim të përkrahjes së nënave lehona, Komuna e Prizrenit ka ndarë një fond prej 1,000,000 euro për fëmijët të cilët kanë lindur nga data 01.01.2021.

Kriteret e kualifikimit:

• Prindërit duhet të jenë banorë të përhershëm të Komunës së Prizrenit;

• Fëmija duhet të jetë i/e lindur nga 01.01.2021 deri në datën e aplikimit.

Dokumentet që duhet të dorëzohen, formularin për aplikim, informacionet për vlerën e mbështetjes financiare, si dhe informacionet tjera për thirrjen mund të gjeni në:

https://kk.rks-gov.net/prizren/wp-content/uploads/sites/26/2021/10/Thirrja-Publike.pdf

Aplikimi fillon më 25 tetor dhe mbaron më 5 nëntor 2021, në ora 16:00. Aplikimi bëhet në mënyrë fizike tek objekti Adminitratës Komunale, në Qendrën për Shërbime të Integruara, në sportelet nga 1 deri në 5.

Për gjuhën turke: https://kk.rks-gov.net/prizren/wp-content/uploads/sites/26/2021/10/KAMU-CAGIRISI.pdf

Për gjuhën srb/bosh.: https://kk.rks-gov.net/prizren/wp-content/uploads/sites/26/2021/10/JAVNI-POZIV.pdf


 

Kalendari

Ngjarjet e datës 26 mars 2023

- Kryeministri i Kosovës, Albin Kurti, bën homazhe në Krushë të Madhe dhe në Krushë të Vogël. (Krushë e Madhe, ora 8:00)

- Presidentja e Republikës së Kosovës, Vjosa Osmani bën homazhe në Kompleksin Memorial të dëshmorëve dhe të martirëve në fshatin Krushë e Madhe. (Krushë e Madhe, ora 11:00)

- Aleanca për Ardhmërinë e Kosovës mban konferencë për media. (Holli i Kuvendit të Republikës së Kosovës, ora 12:00)