29 Mars 2023

Rusia rikthen kufizimet pas rritjes së infektimeve nga koronavirusi

Moskë, 10 nëntor - Në përpjekje për të frenuar një valë të katërt të koronavirusit, autoritetet ruse kanë vendosur të ndalin aktivitetin tregëtar dhe social. Disa fajësojnë për këtë fushatën e dështuar mbarëkombëtare për vaksinimin.

Megjithëse ishte ndër vendet e para që filloi vaksinimin, strategjia e Rusisë për imunizimin nuk funksionoi me sukses. Siç njofton nga Moska korrespondentja e Zërit të Amerikës, Elizabeth Cherneff, vetëm 33% e popullsisë është e vaksinuar plotësisht.

Pavionet për COVID-in në spitalet e Moskës janë mbushur plot. Me mbi 30 mijë infektime të reja dhe 1 mijë të vdekur çdo ditë, situata në Rusi është rënduar ndërsa ka filluar një valë e katërt e pandemisë.

Autoritetet po reagojnë duke mbyllur aktivitetin tregëtar, restorantet, baret dhe dyqanet për të paktën 10 ditë.

Rusia ishte vendi i parë që njoftoi prodhimin e vaksinës kundër koronavirusit, por vetëm rreth një e treta e rusëve që kualifikohen janë të vaksinuar plotësisht.

“Kjo është absolutisht shokuese për një vend që prodhon vaksinën e vet. Shumica e vendeve të tjera i kanë blerë vaksinat në tregun ndërkombëtar. Prandaj mendoj që situata me vaksinimin është shkatërrimtare”, i tha Zërit të Amerikës virologu Georgii Bazykin, nga Instituti “Skolkovo” për Shkencën dhe Teknologjinë.

Edhe Presidenti Vladimir Putin u befasua kur mësoi se shumë nga njerëzit që punojnë me të kishin refuzuar të vaksinoheshin.

“Është e çuditshme. Janë njerëz me arsim universitar, me grada shkencore... Nuk e kuptoj se ç’po ndodh”, tha zoti Putin.

Mediat pro qeverisë kanë zhvilluar një fushatë që kritikët thonë se paraqet negativisht imunizimin me vaksinat e prodhuara në perëndim dhe vëzhguesit thonë se kjo ka influencuar tek shumë rusë që tashmë refuzojnë edhe vaksinën e vendit të tyre.

“Disa thonë që vaksinat janë të rrezikshme. Por njerëzit nuk janë budallenj. Ata mendojnë se nëse janë të rrezikshme vaksinat perëndimore, atëherë janë patjetër të rrezikshme edhe vaksinat ruse”, i tha Zërit të Amerikës zoti Bazykin.

Vëzhguesit thonë se vendimi i shumë rusëve për të mos u vaksinuar nuk bazohet në linja politike, por tek një mosbesim i përgjithshëm ndaj qeverisë.

“Në parim, të gjithë njerëzit, pavarësisht nga pikëpamjet e tyre politike, e kuptojnë se nuk ka ndonjë vlerë t’i besojnë propagandës ruse”, i tha Zërit të Amerikës, Kirill Martynov, redaktor politik në gazetën “Novaya Gazeta”.

Shumë rusë nuk gjejnë arsye për optimizëm. Qeveria ruse ka mbyllur edhe më parë bizneset dhe siç e shohin shumë njerëz, rritja e rasteve të infektimit dhe të vdekjeve tregojnë se kjo nuk mjafton.

Kalendari

Ngjarjet e datës 29 mars 2023

- Komisioni për Ekonomi, Industri, Ndërmarrësi dhe Tregti shqyrton ndryshimin dhe plotësimin e Ligjit për mbrojtjen e konsumatorit. (Kuvendi i Kosovës, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Kuvendi, salla N302, ora 10:00)

- Qendra e Kosovës për Eksport organizon ngjarjen “Rritja e eksportit përmes platformës KoEx”. (Hotel Sirius, ora  10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive. (Kuvendi, salla N10, ora 11:00)

- Komisioni për të Drejtat dhe Interesat e Komuniteteve dhe Kthim shqyrton Projektligjin për Prokurorin e Shtetit si dhe ndryshimin dhe plotësimin e Ligjit për trajtimin e ndërtimeve pa leje. (Kuvendi, salla N303, ora 11:00)

- Do të bëhet nënshkrimi i Memorandumit të Bashkëpunimit trepalësh mes Ministrisë së Kulturës, Rinisë dhe Sportit, Ministrisë së Mbrojtjes dhe Federatës së Xhudos të Kosovës. (Qendra Nacionale të Xhudos në Pejë, ora 11:00)

- Promovohet romani “Duke ndjekur fluturat” i autores Hana Hoxha, i cili ka si fabulë edukimin e nxënësve/fëmijëve për rolin e policisë në sigurinë e tyre. (Biblioteka Kombëtare, ora 12:00)

- Bëhet inaugurimi i punëtorisë së Floktarisë në Qendrën e Kompetencës “Shtjefën Gjeçovi”, e cila do të shërbejë për zbatimin e mësimit dual ku merr pjesë edhe ministrja e Arsimit, Arbërie Nagavci. (Shtjefën Gjeçovi në Prishtinë, ora 13:00)