Prishtinë, 7 prill - Me rastin e shënimit të Ditës Botërore të Shëndetësisë, Drejtoria e Shëndetësisë organizon aktivitete që kanë për qëllim zhvillimin e shëndetësisë në Kryeqytet, si dhe promovimin e rëndësisë së shëndetit për qytetarët e Prishtinës.

Një ndër aktivitetet që do të ndodhë sot, duke filluar nga ora 11:00, në sheshin “Zahir Pajaziti”, është vendosja e tendës në të cilën ekipi i Kujdesit Parësor Shëndetësor i Kryeqytetit do të ofrojë shërbime siç janë: matja e glukozës në gjak, matja e tensionit arterial si dhe këshilla nga mjekët tanë.

Të pranishëm në këtë aktivitet do të jenë Nënkryetari i Kryeqytetit z. Alban Zogaj, Drejtori i Shëndetësisë z. Izet Sadiku, përfaqësuesja e UNICEF znj. Nona Zucherman, përfaqësuesja e UNFPA znj Visare Mujku Nimani si dhe Drejtori ekzekutiv i AMC-së z. Vlorjan Molliqaj.

Gjithashtu, ofrimi i këtyre shërbimeve do të organizohet edhe në Qendrat për Qëndrim Ditor për të moshuarit, si dhe do të shpërndahen broshura, në të cilat do të promovohen shërbimet, që qytetarët mundë t'i marrin nga Qendrat e Mjekësisë Familjare, në Prishtinë.