Zubin Potok, 25 maj - Sot në zyrën lokale për komunitete dhe kthim Izmir Zeqiri është betuar si kryetar i ri i Zubin Potokut.   

Zeqiri gjatë betimit të tij në Çabër tha se do të t’i kryejë detyrat dhe do t’i ushtrojë kompetencat me nder, besnikëri dhe në pajtim me ligjin në mënyrë që të sigurojë kushte për një jetë të qetë për të gjithë.

“Betohem se do t’i kryej detyrat dhe do t’i ushtroj kompetencat si kryetar i Komunës së Zubin Potokut me nderë e besnikëri, në mënyrë të paanshme me ndërgjegje dhe pajtim me ligjin, në mënyrë që të siguroj kushte një jetë të qetë për të gjithë”, ishte betimi i Zeqirit para këshilltarëve të komunës.

Pas betimit, ai tha para asamblistëve kërkoi që të jenë të gjithë në nivel të përgjegjësisë më të lartë duke iu ofruar qytetarëve të Zubin Potokut pa asnjë dallim të gjitha shërbimet.

“Uroj që të jemi bashkë në punët dhe përgjegjësit tona, të jemi sa më të fokusuar që të zbatojmë ligjin e Republikës së Kosovës në tërë territorin e komunës së Zubin Potokut”, tha ai, gjersa falënderoi qytetarët që ia kanë dhënë besimin.