Festohet 15 vjetori i marrëdhënieve diplomatike Gjermano - Kosovare
Prishtinë, 20 maj - Me rastin e 15-vjetorit të marrëdhënieve zyrtare diplomatike gjermano-kosovare, Ambasada Gjermane në Prishtinë, së bashku me organizata dhe institucione të shumëta gjermane dhe me lidhje gjermane në Kosovë do të organizojnë sot një “Street Show”.
“Street Show” i cili do të mbahet në Sheshin “Zahir Pajaziti” do të jetë i hapur për publikun dhe për të gjithë ata që dëshirojnë të na bashkangjiten për të festuar këtë partneritet të jashtëzakonshëm.
Me këtë ngjarje do të prezantojmë një gamë të gjerë të aktiviteteve të organizatave tona partnere që ndër tjerash përshinë: GIZ-in, KfW-në, Odën Ekonomike Gjermano-Kosovare (OEGJK), Parkun e Inovacionit dhe Trajnimeve Prizren (ITP), Goethe-Zentrum Prishtina, Shkëmbimin Akademik Gjerman (DAAD), Kontringjentin gjerman të KFOR-it/NALT-in, Diakonie Kosovën, Fondacionin Konrad Adenauer, Fondacionin Friedrich Ebert, Fondacionin Heinrich Boell, DVV Kosovën, HELP, ASB, Loyola Prizren dhe shumë të tjera.
Partnerët do të prezantojnë një spektër të gjerë të veprimtarive të tyre, si dhe aktivitete të llojllojshme për fëmijë, “Kamionin e gjelbër”, kuize, çmime, material interactive, kafe, birrë, brecella, muzikë dhe shumëçka tjetër.
Panairi do të hapet bashkërisht nga Shkëlqesia e Tij, Ambasador Joern Rohde dhe Kryeministri Albin Kurti.
