Prishtinë, 13 prill - Për nder të Ditës Ndërkombëtare të Romëve, Bashkimi Evropian (BE) në Kosovë dhe Ambasada Gjermane do të shfaqin sonte në “Kino Armata” në Prishtinë filmin “Pongo is Calling”.

Në këtë ngjarje do të flasin Zëvendësambasadori i Republikës Federale të Gjermanisë, Matthias Conrad, Udhëheqësi i Seksionit te BE-së në Kosovë për Komunitete Joshumicë, Trashëgimi Fetare dhe Kulturore dhe Veri, Stefano Gnocchi, Zëvendësministri për Komunitete dhe Kthim, Gazmend Salijevic, dhe Drejtori i OJQ-së “Zëri i Romëve, Ashkalive dhe Egjiptianëve”, Isak Skenderi.