22 Mars 2023

Prodhuesit nga Kosova kërkojnë reciprocitet ndaj Serbisë te Dheu i Bardhë

Gjilan, 2 shkurt - Problemet ndaj prodhuesve të Kosovës sa vijnë e shtohen. E njëri ndër këto gjatë eksporteve nëpër Serbi përkatësisht te Pikë Kalimi Kufitar Dheu i Bardhë është edhe procedura e doganës së mallit të prodhineve ushqimore e cila bëhet vetëm ditën e marte dhe të enjten.

Prodhuesit tregojnë se Dogana e Serbisë nuk lejon prodhimet ushqimore të Kosovës të eksportohen tranzit nëpër Serbi te Dheu i Bardhë nën stop, por vetëm të marteve e të enjteve.

Derisa situatë tjetër është në Merdare ku mallrat lejohen  gjatë 5 ditëve të javës e te Dheu i Bardhë vetëm 2 ditë.

Sipas prodhuesve doganierët serbë edhe pse marrin tatimet doganore, arsyetohen se Kosova nuk llogaritet si shtet.

Kjo po i shkakton humbje prodhuesve të cilët mallin duhet të realizojnë  eksportet vetëm të marteve e enjteve nga kjo pikë, derisa nga Merdarja kostoja rritet shumë.

Prodhuesit kosovar kërkojnë nga Qeveria e Kosovës vendosjen e reciprocitetit te Dheu i Bardhë ndaj prodhimeve serbe.

Kalendari

Ngjarjet e datës 22 mars 2023

- Asociacioni i Qendrave për Punë Sociale dhe Departamenti Punë Sociale, Universiteti i Prishtinës “Hasan Prishtina” organizon ditën e dytë të konferencës se dytë Nacionale për shënimin e Ditës Botërore të Punës Sociale. (Fakulteti Filozofik i Universitetit të Prishtinës, ora 9:30)

- Administrata Tatimore e Kosovës në bashkëpunim me Iniciativën Kosovare për Stabilitet organizojnë panel diskutimi me temë “Formalizimi i punësimit”. (Biblioteka Kombëtare, ora 10:00)

- Ministria e Mjedisit, Planifikimit Hapësinor dhe Infrastrukturës organizon takim publik për hartimin e Koncept Dokumentit të Fushës së Ujërave. (Hotel Garden, ora 10:00)

- Ideatorët e platformës "Liria ka emër", Eliza Hoxha dhe Ismail Tasholli, do të vizitojnë Organizatat e dala nga lufta të UÇK-së. (Zyrat e Organizatave të dala nga lufta të UÇK-së, ora 11:00)

- Presidentja e Kosovës, Vjosa Osmani, dhe ministri i Shëndetësisë, Arben Vitia, vizitojnë Klinikën e Gjinekologjisë në QKUK, ku planifikohet të fillojnë shërbimet për Fertilizim të Asistuar Mjekësor (FAM) në shërbimin publik. (Klinika Gjinekologjike në QKUK, ora 11:00)

- Myftiu i Kosovës, Naim Tërnava, jep mesazhin me rastin e fillimit të muajit të Ramazanit. (Selia e BIK-ut, ora 11:00)

 - Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)

- Në shënimin e Javës Ndërkombëtare e Parasë, Shoqata e Bankave të Kosovës zhvillon një vizitë në shkollën "Thimi Mitko" në Gjilan. (Gjilan, ora 13:30)

- Instituti Demokratik i Kosovës në bashkëpunim me Transparency International organizon tryezën e diskutimit “Buxhetimi gjinor në kuadër të partive politike në Kosovë”, një diskutim i përbashkët mes kryetareve të forumeve të grave të partive kryesore në vend, trupave menaxhuese zgjedhore, shoqërisë civile dhe korit diplomatik në vend. (Hotel Sirius, ora 14:00)